Eldfjalladólgur

Sá eða sú sem virðir ekki mörk á gosstöðvum, eða hættir jafnvel lífi sínu við að skoða eldgos. Fer til dæmis út fyrir göngustíga eða merktar gönguleiðir, gengur á nýrunnu hrauni, fer of nálægt eldgosinu eða of langt upp á gíginn.

Orðið kom fyrst fram 15. október 2021, í fréttum um eldgosið í Geldingadölum á Reykjanesi.

„Erfitt hefur reynst að stöðva svokallaða eldfjallaníðinga, eða eldfjalladólga, við gosstöðvarnar á Reykjanesskaga. Dólgarnir eru þeir sem ganga alla leið í bókstaflegri merkingu, virða engar reglur eða merkta stíga og fara sjálfum sér og öðrum að voða.“

(RÚV 15. október 2021: Erfitt að eiga við eldfjalladólgana)

Eldfjalladólgur:

• Fávitavarpið
• Gosglanni
• Kóviti