Kælifrí
Frí eða ferðalög sem fólk fer í til kaldari heimshluta til að forðast hitabylgjur í heimalandi sínu.
Kælifrí eru tilkomin vegna hlýnandi loftslags í heiminum.
Íslensk þýðing á hugtakinu coolcation.
Uppruni
Birtist líklega fyrst í fréttum RÚV 14. september 2024.
Dæmi um notkun
„Það eru tískubylgjur í ferðamennsku eins og mörgu öðru sem við tökum okkur fyrir hendur. Ein af þeim nýjustu kemur hins vegar ekki til af góðu. Það er það sem á ensku hefur verið kallað „coolcation“ sem á íslensku gæti kallast kælifrí; að velja milt, eða jafnvel kalt loftslag á norðlægum slóðum, í staðinn fyrir að leita suður á bóginn í hita og sól.“