Liprunarbréf

Bréf sem borgaraþjónusta Utanríkisráðuneytisins gefur út á hættutímum, til dæmis á farsóttartímum.

Bréfinu er ætlað að greiða fyrir för ferðamanna til landsins ef þeir þurfa að millilenda á erlendum flugvöllum.

Orðið komst í fréttir 9. september 2021.

Það var líklega fyrst notað fyrr á sama ári í Skýrslu utanríkis- og þróunarsamvinnuráðherra um utanríkis- og alþjóðamál.

„Var brugðið á það ráð að gefa út svokölluð liprunarbréf sem staðfestu heimild viðkomandi einstaklings til að koma til landsins. Áður en yfir lauk urðu liprunarbréfin á þriðja þúsund en útgáfu þeirra var að mestu hætt í byrjun september.“

(Úr Skýrslu utanríkis- og þróunarsamvinnuráðherra um utanríkis- og alþjóðamál).