Dagskrárvald

Vald sem tiltekið fólk, stofnanir, fyrirtæki eða hópar fólks (t.d. stjórnmálaflokkar, fjölmiðlar eða samfélagsmiðlar) hafa til að stýra umræðu, ákveða hvaða málefni eru í umræðunni meðal almennings og stjórna hvernig umræðan þróast.

Orðið var áberandi á vordögum og snemmsumars 2019, í tengslum við árlegt málþóf Miðflokksins á alþingi.

Elsta prentaða dæmi um orðið á vefnum timarit.is er úr Vikublaðinu 22. október 1993, í grein eftir Pál Vilhjálmsson.

„Það er rétt hjá hv. þingmanni að forseti hefur dagskrárvaldið og það stendur ekki til að afhenda Miðflokknum það þó að Miðflokkurinn (Gripið fram í.) hafi ítrekað beðið um það þannig að hann ráði ekki bara því hvernig dögunum hér er ráðstafað vikum saman, heldur líka dagskrá þingsins.“

(Alþingi.is)